Орау ережелері

Жөнелтімді шабарманға табыстамас бұрын, оның дұрыс оралғанына көз жеткізіңіз. Бұл – Exline компаниясында қабылданатын жүкті сақтау жөніндегі шараларға керемет қосымша болады. Бұл үшін, төменде көрсетілген бірнеше ережені орындау қажет.

Мекенжай затбелгісін жапсырыңыз

Жөнелтімдердің әрқайсысында міндетті түрде байланыс деректерін көрсетіңіз. Жөнелтімдер адресатқа жеткенше мыңдаған шақырымдарға жол жүреді, сондықтан мекенжай затбелгісінің болуы – осындай ұзақ жолдағы жөнелтімнің пайдалы деректеме карточкасы болады. 

Дұрыс орам материалдарын пайдаланыңыз

Құжаттар үшін Exline компаниясы арнайы қорғаныс конверттерін тегін ұсынады. Сәлемдемелер үшін, өз жөнелтімдеріңізді арнайы гофро-қораптарға қосымша орауды ұсынамыз. Бұл қызмет 400 теңге тұрады және ішіндегі заттың сақталуын арттыруға мүмкіндік береді. Егер де Сіз орамды өз бетінше жасауды қалайтын болсаңыз, жөнелтімді картон қорапқа нығыздап орауға тырысыңыз, жөнелту барысында ішіндегі зат әрі-бері шайқалмауы тиіс. Орам ретінде полиэтилен пакеттерді, қаптарды немесе сөмкелерді пайдаланбаңыз, өйткені бұл – жөнелтуді қиындатады және жөнелтімдердің зақымдану қаупін арттырады. Ашылуы мүмкін барлық жерлерін жабысқақ таспамен жабу керек.

Таңбалауды пайдаланыңыз

Жөнелту барысында, біз әрбір жөнелтімнің ішінде не бар екенін білмейміз. Ал онда төңкеріп қоюға болмайтын бұйым немесе сынғыш хрусталь болуы мүмкін. Біздің қызметкерлер осындай жүкке ерекше назар аударуы үшін, мұндай жөнелтімдерді міндетті түрде таңбалаңыз.